Святлана Ціханоўская папросіць улады Швейцарыі пашукаць схаваныя актывы Лукашэнкі

Святлна Ціханоўская. Фота: тэлеграм-канал @tsikhanouskaya

Лідарка беларускай апазіцыі Святлана Ціханоўская плануе правесці перамовы з уладамі Швейцарыі наконт замарожвання актываў Лукашэнкі. Пра гэта яна паведаміла швейцарскай газеце Le Temps.

Святлана Ціханоўская разглядае магчымасць паездкі ў Швейцарыю ў сакавіку, «калі дазволяць абмежаванні, звязаныя з пандэміяй».

У Жэневе яна збіраецца сустрэцца з вярхоўным камісарам ААН па правах чалавека Мічэль Бачэле (Michelle Bachelet), каб абмеркаваць шляхі аднаўлення справядлівасці ў Беларусі, а таксама правесці сустрэчу з уладамі Швейцарыі.

Гэтак, Святлана Ціханоўская хоча звярнуцца да швейцарскага ўраду з просьбай замарозіць актывы Аляксандра Лукашэнкі, якія захоўваюцца ў мясцовых банках.

«Мы таксама хацелі б, каб у Швейцарыі пачалося расследаванне схаваных актываў і мадэляў карупцыі Аляксандра Лукашэнкі», – заявіла Ціханоўская.

Дзяржаўны дэпартамент ЗША ўвёў санкцыі супраць 43 асобаў з Беларусі

У снежні Мічэль Бачэле асудзіла пагаршэнне сітуацыі з правамі ў Беларусі ў сваім выступе на пасяджэнні Рады ААН у справе правоў чалавека. Рада збярэцца на чарговае пасяджэнне, прысвечанае сітуацыі ў Беларусі, у найбліжэйшы чацвер.

МГ belsat.eu

Hавiны