Жыхары Беларусі працягваюць выказваць салідарнасць з журналісткай Кацярынай Барысевіч і лекарам Арцёмам Сарокіным, якіх судзяць за публікацыю праўдзівых звестак пра стан забітага Рамана Бандарэнкі.
Гэтак, 21 лютага акцыя прайшла каля станцыі метро «Міхалова» ў Менску.
«Кветкі замест тэрміну. Свабоду Кацярыне Барысевіч», – гаворыцца на плакаце, які змясцілі там менчукі.
Кветкі зʼяўляюцца ў розных частках Менску.
19 лютага ў судзе Маскоўскага раёну Менску пачаўся суд над журналісткай TUT.by Кацярынай Барысевіч і доктарам Шпіталю хуткай дапамогі Арцёмам Сарокіным. Журналістку і медыка вінавацяць паводле ч. 3 арт. 178 КК («Раскрыццё медычнай таямніцы»). Артыкул прадугледжвае да трох гадоў пазбаўлення волі.
МГ belsat.eu