Дождж, які пачаўся ў Горадні ўвечары 12 ліпеня і доўжыўся цягам усёй ночы, прынёс вялікія пашкоджанні.
Шмат якія дамы ў прыватным сектары на вуліцы Татарскай і завулку Лідскім падтапіла, падворкі ператварыліся ў басейны. На вуліцы 17 верасня вада размыла дарогу, праз што ўтварыўся вялікі правал. На ўзбярэжжы Нёмну з’явіўся апоўзень. Паводле гараджанаў, гэтая залева была наймацнейшаю за некалькі апошніх гадоў.