Жузэп Бурэль: Тысячы мігрантаў застаюцца ў Беларусі і маюць патрэбу ў гуманітарнай дапамозе

Вярхоўны прадстаўнік Еўразвязу Жузэп Бурэль лічыць, што ЕЗ яшчэ трэба змагацца з наступствамі міграцыйнага крызісу ў Беларусі.

«Дзякуючы гібкай дыпламатыі ЕЗ, паток нерэгулярных мігрантаў, якіх заманілі ілжывымі абяцаннямі, каб потым выціснуць да мяжы, цяпер скараціўся.

Але нягледзячы на тое, што многія з іх былі рэпатрыяваныя на радзіму (напрыклад, больш за 4000 вярнуліся ў Ірак), многія тысячы застаюцца ў Беларусі і маюць патрэбу ў гуманітарнай дапамозе. Тым часам унутры Беларусі не спыняюцца рэпрэсіі», – адзначыў Бурэль у сваім блогу.

Вярхоўны прадстаўнік Еўразвязу адзначае, што «вострая фаза крызісу на мяжы з ЕЗ адыходзіць», але праблемы з Беларуссю «не абмяжоўваецца яе абуральным маніпулятыўным выкарыстаннем мігрантаў». «У аснове ляжыць жорсткі, рэпрэсіўны і нелегітымны характар ​​рэжыму Лукашэнкі, дзе больш за 900 палітвязняў сядзяць у турмах», – падкрэсліў ён.

Бурэль адзначыў, што сітуацыя ў Беларусі і крызіс вакол Украіны сёння займаюць першае месца ў парадку дня: яны з’яўляюцца прыкладам гібрыднай пагрозы і сілавой палітыкі, з якімі цяпер сутыкаецца Еўразвяз Паводле Бурэля, на мапу цяпер пастаўлены прынцыпы, якія ляжаць у аснове еўрапейскага парадку.

РР belsat.eu