Тры смяротныя аварыі адбыліся ў Беларусі за содні: у Барысаве, Калінкавіцкім раёне і ля Астраўца. У ДАІ звязваюць гэтыя здарэнні са складанымі дарожнымі ўмовамі, гаворыцца ў паведамленні міністэрства ўнутраных справаў.
Міністэрства ўнутраных справаў у сваім Telegram-канале паведаміла пра тры смяротныя ДТЗ за содні.
У Барысаве 22-гадовы кіроўца не даў рады кіраванню, з’ехаў з дарогі і сутыкнуўся з дрэвам. У выніку 18-гадовая пасажырка сканала, кіроўца і яшчэ адзін пасажыр шпіталізаваныя.
У Калінкавіцкім раёне Гомельскай вобласці легкавы аўтамабіль выехаў на сустрэчную паласу і ўрэзаўся ў грузавік. 19-гадовая пасажырка легкавіка загінула.
У Астравецкім раёне Гарадзенскай вобласці 22-гадовы кіроўца легкавой машыны на закругленні дарогі вылецеў у кювет і перакуліўся. Хлопец загінуў на месцы.
ДАІ раіць пазбягаць за стырном рэзкага тармажэння і манеўраў, асабліва каля пешаходных пераходаў, перакрыжаванняў і на закругленнях дарог. Кіроўцаў таксама просяць выбіраць бяспечную хуткасць.
Сяргей Крот belsat.eu
