Вынікі пошуку для:

Дудар Зміцер Шыманскі ўцёк у Польшчу ад «хіміі» за гранне на маршы пратэсту

Музыку затрымалі разам з гуртом «Irdorath», ён быў за кратамі з 2 жніўня.

Зміцер Шыманскі на фота ў цэнтры. Фота: Белсат

Беларуская рада культуры паведаміла аб паспяховай эвакуацыі з Беларусі дудара і палітвязня Змітра Шыманскага. Цяпер ён у Варшаве.

Тры тыдні таму яго асудзілі на тры гады абмежавання волі ў папраўчай установе адкрытага тыпу («хімія») за гранне на дудзе на маршы 16 жніўня 2020 года. Перад высылкай на «хімію» яго вызвалілі з-пад варты ў залі суду.

Шыманскага затрымалі 2 жніўня 2021 года разам з музыкамі гурту «Irdorath», судзілі за «Удзел у дзеяннях, якія груба парушаюць грамадскі парадак» (арт. 342 КК РБ). Праваабаронцы прызналі палітычнымі зняволенымі яго і іншых затрыманых з «Irdorath».

Зміцер Шыманскі 15 гадоў грае на дудзе і іншых інструментах у розных гуртах, у ліку якіх «Всё_Crazy», «Ліцвінскі хмель», «Cornu Copia», «Javaryna» і іншыя.

«Дамовіліся пабрацца шлюбам пасля суду». Музыка Антон Шніп сустракае Дзень народзінаў у турме

АА belsat.eu

Падпісвайся на telegram Белсату

Hавiны