Гэта другі раз за месяц, калі Беларусь адновіць прыпыненыя пастаўкі электраэнергіі ва Украіну.
Паводле звестак еўрапейскай сеткі аператараў падачы электраэнергіі ENTSO-E, імпарт электраэнергіі з Беларусі ва Украіну пасля спынення паставак 18 лістапада мае аднавіцца 21-га. На звесткі аб пастаўках звярнуў увагу «Інтэрфакс».
На нядзелю, 21 лістапада плануюць штогадзіну пастаўляць 415 МВт, як то было ад 9 да 17 лістапада.
У кастрычніку Украіна вырашыла не аднаўляць пастаўкі электраэнергіі з Беларусі, потым перадумала. Беларусь аднаўляла пастаўкі электраэнергіі ва Украіну 6 лістапада, а 18-га спыніла «адпаведна вызначанаму парадку ўзаемадзеяння ў межах кантрактных стасункаў».
АА belsat.eu