«Белсат» падводзіць вынікі панядзелку, 20 верасня – чарговага дня супрацьстаяння беларусаў.
Расеянка атрымала 1,5 гады калоніі за абразу Лукашэнкі
Грамадзянку Расеі Ірыну Вікхольм затрымалі сёлета 28 траўня і змясцілі за краты. Жанчыну абвінавацілі паводле ч. 2 арт. 367 КК РБ («Паклёп на прэзідэнта»). Падставай для крымінальнай справы стаў допіс Ірыны ў Twitter. Жанчына змясціла спасылку на артыкул расейскай службы Бі-Бі-Сі пра інцыдэнт з самалётам «Ryanair» і дадала загаловак: «Чарговае злачынства Лукашэнкі: акт дзяржаўнага авіяпірацтва».
100 еўра за «Тэатр шчаслівых дзяцей»
Беларуская рада культуры зыніцыявала выданне і аўкцыён адзінага папяровага асобніку кнігі Альгерда Бахарэвіча «Тэатр шчасьлівых дзяцей». Кніга ўлетку выйшла ў электронным фармаце.
На момант публікацыі лот каштаваў 100 еўра.
Палітвязню далі 7,5 гадоў зняволення
Палітзняволенаму экс-намесніку старшыні Магілёўскага гарвыканкаму Уладзіміру Дудараву прысудзілі сем з паловай гадоў калоніі ва ўмовах узмоцненага рэжыму. Паплечнік Віктара Бабарыкі віны не прызнаў.
Новы пакет санкцый
У Бруселі абмяркоўваюць увядзенне драконаўскіх санкцыяў супраць рэжыму Лукашэнкі. У адказ на адмову Лукашэнкі ісці на перамовы з грамадствам, за няспынныя катаванні і рэпрэсіі, а таксама за арганізацыю міграцыйнага крызісу ў краінах-суседзях, ЕЗ можа ўвесці абмежаванні ў дачыненні «Беларусбанку», банку «Дабрабыт», «Белінвестбанку», «Белаграпрамбанку» і «Банку развіцця». Таксама абмежаванні могуць закрануць дрэваапрацоўчую галіну і «Белтэлекам».
На аўтавакзале «Цэнтральны» будуць правяраць на ковід
У лабараторыі будуць праводзіць стандартнае тэставанне метадам ПЦР – атрыманне выніку за 24 гадзіны – па папярэдняга электроннага запісу. Таксама там можна будзе зрабіць экспрэс-аналіз на COVID-19 – дыягнастычнае экспрэс-тэставанне на антыген (дэт Ag) – атрыманне выніку на працягу 30 хвілін і па жывой чарзе.
Зікрацкі выступіць на Хельсінакай каміссіі
Слуханні будуць прысвечаны тэме рэпрэсіяў у Беларусі.
Трансляцыю можна будзе паглядзець онлайн.
Адзін воін
Нам у рэдакцыю даслалі фота з Пружанаў. Яго нескароныя жыхары ў такія цяжкія часы працягваюць здзіўляць сваёй мужнасцю.
Салідарнасць суседзяў
МГМ, belsat.eu
