Лукашэнка прыгразіў звальненнем дыпламатам, якія не з ім

Нарада ў Аляксандра Лукашэнкі 20 ліпеня. Фота: president.gov.by

Аляксандр Лукашэнка 20 ліпеня правёў нараду з кіраўнікамі беларускіх дыпламатычных установаў за мяжой. На ёй ён, сярод іншага, застрашваў наступствамі ў выпадку, калі яны перастануць яго падтрымліваць.

«Цырымоніцца не будзем. Зрабіце для сябе высновы. Усе, хто не апраўдаў высокага звання дыпламата, пазбаўленыя адпаведных пасадаў. Так будзе і надалей», – цытуе яго «Пул Первого».

Агулам, паводле яго, дыпламаты павінны быць «або з прэзідэнтам, або такія кадры краіне не патрэбныя».

«Прыйшоў час усю сістэму сур’ёзна страсянуць. Яшчэ раз падкрэсліваю: кіраўніку ўраду, Адміністрацыі, міністру трэба даць прынцыповую ацэнку працы з кадрамі нашага вонкавапалітычнага ведамства», – сказаў Лукашэнка.

Ён адзначыў, што «ў міністэрстве павінны дакладна разумець, што сучасны свет не абмяжоўваецца толькі краінамі Еўрапейскага Звязу». Ён прывёў у прыклад такія краіны, як Кітай, Індыя, Пакістан, Вʼетнам, Турцыя, краіны Афрыкі, Лацінскай Амерыкі, Блізкага Усходу.

Сем краінаў, дзе Беларусь не можа прызначыць амбасадара

Нагадаем, што пасля выбараў 2020 года праз нязгоду з фальсіфікацыяй волевыяўлення народу і гвалтам з боку сілавікоў свае пасады пакінулі кіраўнікі беларускіх амбасадаў у Славаччыне і Аргентыне (па сумяшчальніцтве таксама ў Перу, Парагваі і Уругваі). Быў пазбаўлены пасады і амбасадар Беларусі ў Латвіі. Таксама з МЗС сышло шмат супрацоўнікаў сярэдняга звяна.

МГ belsat.eu

Падпісвайся на telegram Белсату

Hавiны