У Беларусі адбыўся чарговы збой працы банкаўскай сістэмы. У канцы працоўнага дню менчукі не маглі карыстацца банкаўскімі карткамі, паведамляе тэлеграм-канал «МотолькоПомоги». Гэта пацвердзіў і інфармацыйны партал «Нацыянальнага працэсінгавага цэнтру».
Банкаўскія карткі не працавалі пры аплаце ў крамах, не працавалі яны і ў многіх банкаматах. Менчукі адзначалі, што некаторыя банкаматы проста выплёўвалі карткі, а іншыя адзначалі, што банкаўскія прыкладанні адлюстроўвалі няверны статус рахункаў.
Банкаўскі працэсінгавы цэнтр заявіў, што праблема звязана з праблемамі праграмна-тэхнічнага характару. У чым менавіта праблемы ў службе не паведамлялі.
Такія ж праблемы – з аплатай таксі і метро па карце. Паведамляюць, што адпаведныя праблемы фіксуюць таксама ў Гомлі, Нясвіжы, Бялынічах, Віцебску, Берасці.
Нагадаем, што 31 траўня ў Беларусі ўжо адбываліся масавыя збоі працы банкаўскіх картак. З раніцы ў краіне не праходзілі аплаты ў шэрагу крамаў, заправак, рэстарацыяў, а таксама былі праблемы са зняццем гатоўкі ў банкаматах.
Раман Лугоўскі belsat.eu