У Беларусі тры новыя палітвязні. Мужчынаў затрымалі за перадачу інфармацыі аб расейскай вайсковай тэхніцы
20.05.202219:13
Праваабаронцы Беларусі 20 траўня прызналі палітзняволенымі яшчэ траіх чалавек.
Гэта Дзмітрый Кандраценка, Аляксандр Лучыновіч і Павел Наздра. Іх абвінавачваюць у спрыянні экстрэмісцкай дзейнасці, а затрымалі за перадачу інфармацыі аб расейскай вайсковай тэхніцы незалежнаму тэлеграм-каналу.
Здымак мае ілюстрацыйны характар. Расейскія вайскоўцы ў Беларусі.
Фота: Беларусь за МКАДом / Telegram
Усе яны ўзятыя пад варту ў СІЗА і праходзяць падазраванымі паводле артыкулу 361-4 КК за перадачу звестак аб расейскай вайсковай тэхніцы тэлеграм-каналу «Беларускі гаюн».
Праваабаронцы лічаць пераслед мужчынаў палітычна матываваным і патрабуюць неадкладна іх вызваліць. Такім чынам, у Беларусі прызнаныя палітвязнямі 1204 чалавекі.
ПраСвет
У расейскім войску ўсё дрэнна. Камандуе асабіста Пуцін? «ПраСвет» з Алінаю Коўшык
2022.05.20 16:41
Алена Рувіна belsat.eu
