Сацыялагічная група «Рэйтынг» праводзіла апытанне ва Украіне 18 сакавіка.
Паводле вынікаў даследавання, 95 % украінцаў лічаць Расею «адназначна варожаю», яшчэ 3 % – «хутчэй варожаю».
52 % апытаных лічаць Беларусь «адназначна» і 32 % «хутчэй» варожаю дзяржаваю. 9 % украінцаў успрымаюць Беларусь «нейтральнаю», 3 % – «хутчэй дружалюбнай» і толькі 1 % – «адназначна дружалюбнаю» краінаю.
На думку ўкраінцаў, найбольш сяброўскія для Украіны дзяржавы цяпер Польшча, Літва, Вялікая Брытанія і ЗША.
Даследаванне «Рэйтынгу» таксама дэманструе, што ўкраінскі народ верыць у перамогу: 93 % апытаных вераць, што Украіна адаб’е напад Расеі.
Амаль палова (47 %) апытаных спадзяюцца, што Украіна пераможа ў вайне з Расеяй ужо бліжэйшымі тыднямі. Чвэрць (23 %) мяркуе, што вайна будзе доўжыцца некалькі месяцаў. Толькі 12 % думаюць, што вайна скончыцца праз паўгода, год ці болей.
РР belsat.eu