Акцыя дзеля падтрымання Сяргея Ціханоўскага ў Вільні. Фотарэпартаж

У Вільні адбылася акцыя дзеля падтрымання Сяргея Ціханоўскага. Святлана Ціханоўская разам з іншымі беларусамі прайшла ад Кафедральнай плошчы да Ратушы. Падчас маршу людзі скандавалі: «Свабоду палітвязням, Сяргею Ціханоўскаму».

На Ратушнай плошчы Святлана Ціханоўская зрабіла прамову, далей прагучалі «Муры», у адкрыты мікрафон выказваліся беларусы. Пад канец акцыі збіраліся подпісы супраць катаванняў у Беларусі, якія будуць накіраваны спецдакладчыкам ААН.