Імя Ганны Курэйчык з’явілася 19 лютага ў спісе затрыманых. Інфармацыю аб затрыманні выкладчыцы БДУ пацвердзіў пазней калега Курэйчык. Стала таксама вядома пра затрыманне былой выкладчыцы факультэту філасофіі БДУ Таццяны Сініцы.
«Яна была на бюлетэні, прыйшлі па яе дадому», – паведаміў калега затрыманай.
У верасні 2020 году Ганна Курэйчык выказвалася ў сацсетках пра падзеі ў Беларусі пасля выбараў. На яе думку, у краіне адбывалася «мэтанакіраванае знішчэнне прафесіі журналіста».
Як зазначаецца на сайце факультэту журналістыкі, Ганна Курэйчык нарадзілася ў 1976 годзе ў Менску. З 1997 году брала ўдзел у распрацоўцы канцэпцыі і стварэнні новай радыёстанцыі – «Сталіца», у эфіры якой і працавала да заканчэння факультэту журналістыкі. У 2000-2003 гадах працавала журналістам і вядоўцай праграмы «Постфактум» (Першы нацыянальны канал Беларускага радыё). У 2003-м перайшла працаваць на кафедру тэлебачання і радыёвяшчання факультэту журналістыкі БДУ.
Ганна Курэйчык – дацэнтка кафедры тэлебачання і радыёвяшчання БДУ.
Стала таксама вядома пра затрыманне былой выкладчыцы факультэту філасофіі і сацыяльных навук БДУ Таццяны Сініцы. Прычыны затрымання невядомыя. Таццяну Сініцу затрымлівалі ў 2020 годзе, яна выказвала падтрымку студэнтам, якія абвяшчалі страйк.
ЗК belsat.eu