Праз моцны вецер пацярпелі 33 населеныя пункты Беларусі

Праз моцны вецер з парывамі да 27 м/с пацярпелі 33 населеныя пункты ў 7 раёнах Гарадзенскай і Менскай вобласцяў, паведамляе МНС.

Наступствы моцнага ветру ў Беларусі 19 лютага.

Фота: mchs.gov.by

Паводле аператыўных звестак ведамства, моцным ветрам паваліла 121 дрэва. Паваленыя дрэвы пашкодзілі 16 аўтамабіляў. У аграгарадку Бабровічы Валожынскага раёну элементам часткова сарванага металічнага даху майстэрні пашкодзіла 5 трактароў і пагрузчык.

Наступствы моцнага ветру ў Беларусі 19 лютага.

Фота: mchs.gov.by

У Ляхавіцкім раёне на Берасцейшчыне і Мастоўскім раёне на Гарадзеншчыне праз падзенне дрэваў на чыгуначныя пуці затрымаліся на паўгадзіны тры пасажырскія цягнікі.

Наступствы моцнага ветру ў Беларусі 19 лютага.

Фота: mchs.gov.by

МНС паведамляе, што пацярпелых няма. Ратаўнікі і рабочыя іншых арганізацыяў вядуць аднаўленчыя працы.

Наступствы моцнага ветру ў Беларусі 19 лютага.

Фота: mchs.gov.by

Удакладняецца, што, паводле «Белэнерга», цягам мінулых сутак парушалася электразабеспячэнне ў 979 населеных пунктах, 34 з іх на раніцу 20 лютага заставаліся без электрычнасці.

Наступствы моцнага ветру ў Беларусі 19 лютага.

Фота: mchs.gov.by

Як папярэджвае Белгідрамет, удзень 20 лютага месцамі па краіне захаваецца заходні і паўднёва-заходні вецер з парывамі да 15-18 м/с.

ЗК belsat.eu