На пачатку лютага чатырох супрацоўнікаў крамы Symbal.by, затрыманых пасля вобшуку на офісе, асудзілі на содні. Усе яны ўжо выйшлі на волю, паведамляецца на старонцы крамы ў Facebook.
Дырэктар крамы Павел Белавус таксама выказаўся з нагоды вызвалення сваіх супрацоўнікаў:
«Супрацоўнікі symbal.by на волі. Дзякуй усім за падтрымку! Зараз будзем думаць, як далей жыць і працаваць».
Нагадаем, што намеснік дырэктара Мікіта Броўка і бухгалтарка Ксенія Міклашэўская атрымалі па 20 содняў арышту па арт.17.1 (дробнае хуліганства) і арт.23.4 (непадпарадкаванне) КаАП. Двух іншых супрацоўніц крамы Анастасію Трафімчык і Вольгу Ігнатовіч суддзя Марына Фёдарава прызнала вінаватымі ў непадпарадкаванні і пакарала 15 соднямі арышту.
АД belsat.eu