Дзень рэферэндуму, прысуд за тэрарызм і 45% вакцынаваных. Што здарылася 21 студзеня

«Белсат» падводзіць вынікі 21 студзеня – чарговага дня затрыманняў, прысудаў, супраціву і важных заяваў.

  • Рэжым вызначыўся з датай правядзення рэферэндуму аб зменах у Канстытуцыю. Рэферэндум адбудзецца 27 лютага. Пытанне ў бюлетэні будзе гучаць так: «Ці прымаеце Вы змяненні і дапаўненні Канстытуцыі Рэспублікі Беларусь?»
  • З нагоды абвяшчэння даты рэферэндуму дэмакратычныя сілы зрабілі супольную заяву, у якой заклікалі лідараў дэмакратычных дзяржаваў заявіць, што Лукашэнка не мае права абвяшчаць рэферэндум.

Дэмакратычныя сілы зрабілі сумесную заяву з нагоды прызначанага на 27 лютага рэферэндуму

  • Жыхара Наваполацку Руслана Слуцкага асудзілі на 11 гадоў калоніі за тэрарызм і прывядзенне ў непрыдатнасць шляхоў зносінаў. Тэрарызмам суд палічыў раскіданыя «вожыкі» на шляху праўладнага аўтапрабегу. Сярод пацярпелых быў і прапагандыст Рыгор Азаронак.
  • Другі па ліку суд адбыўся і над палітзняволенай Вольгай Класкоўскай. Гэтым разам яе судзілі за абразу міліцыянта. Прысуд: два з паловай года калоніі.

Вольгу Класкоўскую асудзілі на два з паловай года калоніі

Першы свой пост у «Фэйсбуку» пасля вызвалення з-пад хатняга арышту напісала літаратарка і публіцыстка Юлія Чарняўская.

«Нанава вучуся карыстацца простымі рэчамі, займацца простымі справамі і думаць простыя думкі…» – напісала яна.

  • Між тым, стала вядома колькі беларусаў прышчапіліся ад каронавірусу і колькі працаўнікоў культуры было звольнена з палітычных прычын.
  • Пазітыў: 21 студзеня стартуе фестываль дакументальных фільмах пра правы чалавека «Watch Docs Belarus».
  • Наагул, у пятніцу 21 студзеня лепей сядзець удома і глядзець добрыя фільмы, бо Белгідрамет зноў абвесціў аранжавы ўзровень небяспекі – будзе моцны вецер.

Сіноптыкі абвясцілі на 21 студзеня аранжавы ўзровень небяспекі

ЗК belsat.eu

Падпісвайся на telegram Белсату

Hавiны