Вучні адной з украінскіх школаў распавялі пра вайну і мір у іхным разуменні.
«Я не ведаю чаму, але нейкія людзі хочуць заваёўваць землі, якія ім не належаць», – распавядаюць малыя з навучальнай установы «Кыяначка» («Кияночка»).
Хлопцы прапанавалі свой выхад з сітуацыі, якая склалася ўва Украіне: «Трэба, каб той, хто гэта зрабіў, трэба, каб ён гэта спыніў, бо гэта можа скончыцца дрэнна».
{movie}Украінскія дзеці ведаюць, што такое вайна.|right|16453{/movie}
Тым часам гэтак званая самаабвешчаная Данецкая рэспубліка дала 24 гадзіны для вываду ўкраінскіх войскаў з тэрыторыі Данбасу – пасля сепаратысты абяцаюць пачаць ваенную аперацыю.
Са словаў дыверсанта Сяргея Здрылюка, якія перадае hromadske.tv, камандуючы гэтак званай арміі ДНР афіцэр Галоўнага выведнага кіраўніцтва ФСБ Расеі Ігар Стралкоў цяпер перабывае ў Данецку, а ягонае «войска» налічвае да 10 тысячаў асабістага складу, 1000 адзінак бронетэхнікі.
«Калі тэхніку не адгоняць ад Данецку на 20–30 кіламетраў, калі не здымуць усе блокпасты, усё гэта будзе спаленае і знішчанае», – заявіў Здрылюк.
{movie}Самаабвешчаная Данецкая рэспубліка дала 24 гадзіны для вываду ўкраінскіх войскаў з тэрыторыі Данбаса |right|16454{/movie}
Нагадаем, што Данецкай псеўдарэспублікі да гэтага часу ніхто не прызнаў. Не прызнаюць яе і мясцовыя данецкія эліты на чале з уплывовым бізнесоўцам Рынатам Ахметавым.
ЮВ, belsat.eu
