Пад такія санкцыі трапіў грамадзянін Расеі Уладзімір Новікаў.
Затрыманага падчас «Чарнобыльскага шляху» 26 красавіка ў Менску грамадзяніна Расеі Уладзіміра Новікава дэпартавалі з Беларусі ды забаранілі ўезд у краіну на 10 гадоў.
Учора, 11 траўня, актывіст выйшаў на свабоду пасля 15 сутак адміністратыўнага арышту за ўдзел у акцыі «Чарнобыльскі шлях» 26 красавіка. Новікава сустракаў ягоны дзядуля, які жыве ў Менску, і грамадскія актывісты. Аднак Уладзіміра гвалтам пасадзілі ў аўтамабіль, ён паспеў толькі крыкнуць, што яго вязуць на вакзал.
Разгляд касацыйнай скаргі на арышт адбудзецца ў адсутнасць Уладзіміра Новікава, паведамляе праваабарончы цэнтр «Вясна».
ЮВ, belsat.eu, spring96.org
