Прадстаўнік Святланы Ціханоўскай па канстытуцыйнай рэформе і парламенцкім супрацоўніцтве Анатоль Лябедзька завершыў працоўны візіт у Малдову, вынікам якога стаў запуск працэсу стварэння дэпутацкай групы «За дэмакратычную Беларусь». Пра гэта паведамляе Кабінет прадстаўнікоў Святланы Ціханоўскай.
Анатоль Лябедзька стаў першым прадстаўніком дэмакратычных сілаў Беларусі, якога афіцыйна прымалі ў Парламенце Малдовы.
«Групе быць, і гэта галоўны вынік нашай сустрэчы ў Камітэце па міжнародных справах Парламенту Малдовы. Магу сказаць, што ў Кішынёве ў нас ёсць надзейныя сябры і партнёры», – заявіў Анатоль Лябедзька пасля сустрэчы.
У ліпені 2020 году міжфракцыйнае аб’яднанне «За дэмакратычную Беларусь» стварылі ў Вярхоўнай Радзе Украіны, таксама парламенцкая група ў пытаннях Беларусі была створаная ў Варшаве, а яшчэ ў 2016 годзе групу «За дэмакратычную Беларусь», у якую ўвайшлі дэпутаты розных фракцыяў, стварылі ў Сейме Літвы, пералічвае «Радыё Свабода».
ГГ, belsat.eu