Польская памежная ахова паведаміла ў сваім твітары, што 18 снежня 76 асобаў спрабавалі нелегальна трапіць у Польшчу з боку Беларусі.
Акрамя таго, на ўчастку каля вёскі Чарэмша група з 20 асобаў паводзіла сябе агрэсіўна – яны кідалі камяні ў польскіх памежнікаў. Усе былі затрыманыя.
Нягледзячы на зацішша ў міграцыйным крызісе на мяжы Беларусі і ЕЗ у параўнанні з пачаткам лістападу, і эвакуацыйнымі авіярэйсамі, якія ўжо вывезлі з Беларусі некалькі тысячаў мігрантаў, інцыдэнты на мяжы ўсцяж здараюцца. З пачатку году польская памежная ахова зафіксавала больш за 39 тысячаў спробаў незаконнага пераходу мяжы з беларускага боку.
ГГ, belsat.eu