Іракскіх мігрантаў перавязуць з літоўска-беларускай мяжы ў Вільню і дадуць там жытло

Дэлегацыя Міністэрства міграцыі і перамешчаных асобаў Іраку наведала лагер для мігрантаў на літоўска-беларускай мяжы. Чыноўнікі дамовіліся аб пераводзе ўцекачоў у Вільню, піша Zerkalo.io са спасылкай на прэс-службу Міністэрства.

Прадстаўнікі іракскага міністэрства сустрэліся з намеснікамі міністраў замежных справаў і ўнутраных справаў Літвы, кіраўніцтвам памежнай службы, і з прадстаўнікамі міжнародных арганізацыяў і агенцыяў ААН.

У выніку была дасягнутая дамоўленасць, што мігрантаў, якія ўжо знаходзяцца ў Літве, забяспечаць жытлом у Вільні, а таксама ўсім неабходным для пражывання.

Іракцы пагадзіліся на павелічэнне фінансавай дапамогі да 1 тысячы еўра на чалавека тым, хто пагадзіцца добраахвотна вярнуцца ў Ірак да 20 студзеня 2022 году.

ГГ, belsat.eu

Падпісвайся на telegram Белсату

Hавiны