На час публікацыі навіны лот каштуе 3000 долараў. Гэта дабрачынны аўкцыён, ён працягнецца яшчэ 9 дзён.
Мэр Рыгі Мартыньш Стакіс замяніў чырвона-зялёны сцяг Беларусі на бел-чырвона-белы падчас чэмпіянату свету па хакеі, што праходзіў у траўні 2021 года.
24 чэрвеня ў Следчы камітэт перадалі справу аб інцыдэнце 24 траўня, калі ў Рызе ля гатэлю «Radisson Blu Hotel Latvija», дзе былі вывешаныя сцягі краінаў – удзельніц чэмпіянату свету па хакеі, чырвона-зялёны сцяг Беларусі замянілі на бел-чырвона-белы.
Сцяг замянілі міністр замежных справаў Эдгар Рынкевіч і старшыня Рыжскай думы Мартыньш Стакіс. Праз чатыры дні генпракурор Беларусі распачаў супраць іх крымінальную справу.
«Справа цяпер вядзе Следчы камітэт. Склад там відавочны, на мой погляд. Такое ж злачынства прадугледжанае і Крымінальным кодэксам Латвіі. Гэта натуральная рэакцыя нашай дзяржавы на блюзнерскі крок у дачыненні нашага знаку. Беспрэцэдэнтны, блюзнерскі крок. Адпаведна, у межах расследавання крымінальнай справы следчыя будуць рабіць захады, каб даць належную крымінальна-прававую ацэнку дзеянням», – заявіў журналістам генеральны пракурор Беларусі Андрэй Швед.
МГМ, belsat.eu
