Як паведамляе памежнай служба Польшчы, цягам дня мяжу з Беларуссю спрабавалі незаконна перасекчы 324 чалавекі, але яны былі спыненыя.
Пры гэтым памежнікі затрымалі двух праваднікоў, якія дапамагалі нелегальным мігрантам. Адзін з затрыманых зʼяўляецца грамадзянінам Узбекістану, другі – грамадзянін Грузіі.
Нагадаем, цягам жніўня было зафіксавана 3,5 тысячы спробаў незаконнага перасячэння польскай мяжы з Беларусі. Амаль 1000 нелегальных мігрантаў затрымалі.
У 2021 годзе Літва, Польшча і Латвія фіксуюць выбуховы рост нелегальнай міграцыі з Беларусі. Краіны ЕЗ вінавацяць рэжым Лукашэнкі ў тым, што ён спрыяе нерэгулярнай міграцыі ў Еўропу і мэтанакіравана перакідвае мігрантаў з Блізкага Усходу да мяжы. Дзеянні афіцыйнага Менску на Захадзе называюць гібрыднаю вайною.
ІІ belsat.eu