Абвінавачанні ў «карагоднай справе» ў Берасці выстаўленыя 108 пратэстоўцам

Карагоды на пратэстах у Берасці. 13 верасня 2020 года. Фота: Следчы камітэт

У следчым упраўленні УСК па Берасцейскай вобласці заявілі, што ўстанавілі 115 асобаў, датычных да падзеяў 13 верасня 2020 года, калі на скрыжаванні праезных частак у цэнтры Берасця людзі сабраліся ў карагод.

Абвінавачанні выстаўленыя 108 пратэстоўцам паводле ч. 1 арт.342 КК («Актыўны ўдзел у групавых дзеяннях, якія груба парушаюць грамадскі парадак, што пацягнула парушэнне працы транспарту і прадпрыемстваў»).

Крымінальныя справы супраць 88 чалавек, якія бралі ўдзел у «пратэставым карагодзе» накіраваныя ў суд, а 70 асобаў у «карагоднай справе» ўжо асуджаныя.

Асуджаны ў «карагоднай справе» берасцеец: Я татарын, але не дам знішчыць беларускага народу, яго культуры і зямлі

Нагадаем, што 13 верасня мінулага года ў Берасці адбывалася чарговая пратэставая акцыя. Людзі маршам прайшлі па праезнай частцы праспекту Машэрава і спыніліся на яго скрыжаванні з бульварамі Касманаўтаў і Шаўчэнкі. Некалькі соцень асобаў утварылі карагод.

Разганяць карагод прыехаў вадамёт, ужыты ўпершыню падчас пратэстаў у Беларусі. З таго часу берасцейцы называюць гэтае скрыжаванне вадамётным, а распачатая крымінальная справа стала звацца карагоднаю.

«Карагодная справа» – адна з самых вялікіх палітычных справаў у Беларусі. Што трэба пра яе ведаць

АД, belsat.eu

Падпісвайся на telegram Белсату

Hавiны