Нямецкі ўрад запрасіў яе на ўшанаванне 78-й гадавіны замаху на Гітлера. Адзін з самы драматычных эпізодаў замаху 20 ліпеня 1944 года разыграўся ў двары будынку, дзе сёння месціцца музей. Тут быў расстраляны кіраўнік замаху Клаус фон Штауфенберг і яго паплечнікі.
«Галоўнае пасланне музею: «Ты заўсёды можаш зрабіць нешта супраць тыраніі, гэта твой персанальны выбар, што менавіта ты будзеш рабіць» – распавёў Святлане Ціханоўскай дырэктар музею Ёханэс Тухель.
Святлана Ціханоўская сёння сустрэнецца з прадстаўнікамі беларускай дыяспары, а заўтра прыме ўдзел у памятнай цырымоніі з нагоды гадавіны замаху.
У Берліне Ціханоўская сустрэнецца з прадстаўнікамі нямецкага ўраду і бізнесу. Гаворка будзе ісці, сярод іншага, пра дапамогу беларускім прадпрымальнікам, якія рэлакуюцца ў Нямеччыну і працуюць у Беларусі, беларускім добраахвотнікам ва Украіне, а таксама лекарам, вымушаным пакінуць Беларусь праз рэпрэсіі.
Марыя Мурашка belsat.eu