Вынікі пошуку для:

Ягор Марціновіч з-за кратаў: Мы спрабавалі выстаяць падчас цунамі

Галоўны рэдактар «Нашай Нівы» Ягор Марціновіч. Фота: архіў героя

Затрыманыя работнікі «Нашай Нівы» ўжо 11 дзён застаюцца ў ізалятары на Акрэсціна без перадачаў і матрацаў, паведамляе выданне.

Нашаніўцы не выйшлі на волю ўчора, іх затрымалі адразу другі раз з нагоды новага артыкулу. Ягор Марціновіч перадаў праз сукамернікаў пасланне на волю:

«Мы спрабавалі выстаяць падчас цунамі, але ў нас не атрымалася. На жаль, прастора для дзейнасці незалежных СМІ скарацілася да памеру камеры на Акрэсціна ці Валадарцы. Ні я, ні, думаю, мае арыштаваныя калегі не шкадуем, што засталіся ў Беларусі і працавалі з Беларусі да апошняга. Праца нацыянальнага брэнду павінна працягвацца хоць з намі, хоць без нас, таму што «Наша Ніва» – гэта не Марціновіч, Скурко, Дынько і Раковіч (галоўны рэдактар выдання яшчэ не ведае, што бухгалтарку 16 ліпеня вызвалілі. – Заўвага Belsat.eu), а высокапрафесійная журналісцкая каманда і сотні тысяч чытачоў. Як можна нам дапамагчы? Падпішыцеся на нашыя старонкі ў сацыяльных сетках, падпішыцеся на наш тэлеграм-канал!

Чытайце па-беларуску, рэпосціце па-беларуску, размаўляйце па-беларуску! І калі такіх людзей будзе не сотні тысяч, а мільёны, то ўсе мы вызвалімся нашмат раней. Люблю Беларусь!»

Ягора Марціновіча схапілі 8 ліпеня, збілі, а потым учынілі ператрус у ягонай кватэры.

Разам з Ягорам былі затрыманыя галоўны рэдактар «Нашай гісторыі» Андрэй Дынько, кіраўнік аддзелу рэкламы і маркетынгу Андрэй Скурко, галоўная бухгалтарка Вольга Раковіч. Як паведамлялі ў СК, усе затрыманыя «нашаніўцы» праходзяць падазраванымі па ч.1 арт. 342 КК.

Галоўны рэдактар «Нашай нівы» Ягор Марціновіч не выйшаў на волю, яго затрымалі па новым крымінальным артыкуле

МГМ, belsat.eu

Падпісвайся на telegram Белсату

Hавiны