У галоўным праваслаўнай святыні Горадні – Пакроўскім саборы – будзе новы настаяцель: айца Георгія Роя перавялі ў іншую царкву.
«Георгій Рой больш не настаяцель сабору, а Мікалай Гайдук не настаяцель Нікольскага храму. Але яны нікуды не падзеліся», – напісаў на сваёй старонцы прэс-сакратар Гарадзенскай епархіі БПЦ дыякан Дзмітрый Паўлюкевіч.
Протаіерэй Георгій Рой у жніўні мінулага года адкрыта выступаў супраць гвалту.
Пасля выбараў Георгій Рой на сваёй старонцы ў Facebook напісаў, што ў саборы штогадзіны ўдзень будзе гучаць вялікі звон як заклік да міру і згоды, спыніць неапраўданы гвалт, катаванні, правакацыі і на знак салідарнасці з нявінна арыштаванымі, спагады параненым і пакалечаным, а таксама падтрымання блізкім загінулых.
МГМ, belsat.eu