За мінулыя содні памежнікі затрымалі 32 мігрантаў, якія незаконна мінулі мяжу Беларусі з Літвою, паведамляе «Delfi».
Паводле інфармацыі Службы аховы дзяржаўнай мяжы Літвы, сярод затрыманых 23 асобы назваліся грамадзянамі Іраку або паказалі дакументы гэтай краіны.
Затрыманым замежнікам зробяць тэсты на COVID-19 і да вынікаў іх ізалююць.
Прэзідэнт Літвы Гітанас Наўседа абмеркаваў сітуацыю з нелегальнаю міграцыяй на мяжы з Беларуссю з Фабрысам Лежэры, кіраўніком еўрапейскага агенцтва бяспекі межаў «Frontex». Пра гэта паведамляе прэс-служба літоўскага лідара.
Наўседа прызнаў, што Літве трэба дапамога і ў людзях, і ў тэхніцы. Кіраўнік «Frontex» у сваю чаргу адзначыў, што актывуе механізм надзвычайнай памежнай дапамогі. Неўзабаве ў Літву накіруюць падмацаванне: перакладчыкаў, адмыслоўцаў у працы з мігрантамі, узброеныя патрулі, а таксама два верталёты (з Польшчы і Нямеччыны).
МГМ, belsat.eu