З пачатку года ў Польшчы зафіксавалі больш як 5 тысяч незаконных спробаў пераходу мяжы з Беларуссю. Пра гэта паведамляе Памежная служба Польшчы.
Больш за ўсё такіх выпадкаў было ў сакавіку – 1766. За няпоўны чэрвень іх зарэгістравалі 376.
18 чэрвеня ў Польшчу з Беларусі спрабавалі незаконна трапіць 14 чалавек, сярод якіх былі грамадзяне Іраку. Інцыдэнты адбыліся на ўчастках Крынкі, Чарэмхі і Пласкі.
Раней Памежная служба Польшчы апублікавала відэа з першымі гатовымі секцыямі агароджы на мяжы з Беларуссю. Пралёты ўсталяваныя ўжо на працягу 140 км.
Прыёмка вядзецца з пачатку чэрвеня. Выканаўцы заяўлялі, што працы скончацца напрыканцы чэрвеня. Днямі пачнецца ўсталяванне электроннага шлагбаўма.
Якуб Хруст belsat.eu