У Францыі прайшоў другі тур парламенцкіх выбараў. Па выніках галасавання прыхільнікі прэзідэнта Эманюэля Макрона страчваюць абсалютную большасць у Нацыянальным сходзе, паведамляе RFI.
Паводле папярэдніх звестак, прыхільнікі Макрона атрымліваюць ад 200 да 260 месцаў у парламенце, што забяспечыць ім толькі простую большасць у Нацыянальным сходзе (абсалютная большасць – гэта не менш за 289 дэпутатаў).
Левы блок NUPES атрымлівае ад 150 да 200 дэпутатаў і становіцца галоўнай апазіцыйнай сілай у парламенце.
Партыя Марын Ле Пэн «Нацыянальнае аб’яднанне» атрымлівае ад 60 да 102 месцаў. Правыя «Рэспубліканцы», страціўшы пазіцыі першай апазіцыйнай партыі, захоўваюць у Нацыянальным сходзе ад 45 да 80 дэпутатаў.
Глеб Нержын belsat.eu