Людміла Дзянісава, украінскі амбудсмен, распавяла на сваёй старонцы пра новыя эпізоды гвалту, якія сталі вядомымі за апошні час.
На сваёй старонцы яна напісала, што з вызваленых ад расейскай акупацыі населеных пунктаў звяртаюцца па дапамогу ўсё новыя і новыя пацярпелыя:
«Кожны дзень на лінію псіхалагічнай дапамогі камісара паступаюць паведамленні аб сексуальных злачынствах з боку рашыстаў. Узброеныя сілы Украіны вызваляюць гарады і вёскі ў Харкаўскай вобласці, больш за ўсё званкоў паступіла за апошні тыдзень. Ад саміх пацярпелых і іх сваякоў.
Учора ўсяго за гадзіну 10 чалавек, у тым ліку 8 згвалтаваных непаўналетніх, звярнуліся з заявай аб гвалтоўных дзеяннях сэксуальнага характару. У тым ліку двое 10-гадовых хлопчыкаў.
За апошнія 24 гадзіны мы атрымалі 56 званкоў. Трайняткі 9 гадоў, дзяўчынкі. Згвалтаваныя маюць цяжкія траўмы палавых органаў. Усё гэта на вачах у маці, яна ў шокавым стане. Ізюм. Маці паведаміла, што яе дзевяцімесячную дачку згвалцілі свечкай. Аднагадовага хлопчыка згвалтавалі двое і ён памёр. Двухгадовая дзяўчынка, згвалтаваная двума, выжыла. Згвалтаваныя мужчыны 67 і 78 гадоў».
Яна перакананая, што гэтыя дзеянні расейскіх вайскоўцаў – генацыд украінскага народу з асаблівай жорсткасцю:
«Гэта парушэнне не толькі нормаў міжнароднага гуманітарнага права, але і самой яго сутнасці, маралі цывілізаванага свету!»
Людміла Дзянісава звярнулася да Камісіі ААН па расследаванні парушэнняў правоў чалавека падчас расейскага ваеннага ўварвання ва Украіну з просьбай прыняць да ўвагі гэтыя факты генацыду ўкраінскага народу.
Марыя Мурашка belsat.eu