У Гарадзенскім абласным судзе распачалі працэс ліквідацыі Гарадзенскага абласнога грамадскага аб’яднання былых малалетніх вязняў фашысцкіх канцлагераў. Пра гэта паведамляе «Hrodna.life».
Паседжанне ў межах працэсу пачалося 17 траўня. Рашэнне аб ліквідацыі арганізацыі будзе прымаць суддзя Юрый Карэцкі.
Працэс выглядае дзіўна: у той час як улады рэгулярна кажуць пра «генацыд беларускага народу», патрыятызм і захаванне гістарычнай памяці ў Год гістарычнай памяці, яны ліквідуюць абʼяднанне вязняў фашысцкіх канцлагераў.
Таксама ў Гарадзенскім абласным судзе разглядаецца яшчэ адна справа аб ліквідацыі – абласнога спартова-патрыятычнага клубу «Гонар Радзімы». У абодвух выпадках ініцыятарам ліквідацыі выступіла ўпраўленне юстыцыі Гарадзенскага аблвыканкаму.
Алена Рувіна belsat.eu