З нагоды затрымання Рыгора Кастусёва і далейшай прапагандысткай кампаніі ўладаў Партыя БНФ выступіла з заявай, у якой раскрытыкавала палітычныя правакацыі і заклікала спыніць гвалт у краіне.
Партыя БНФ нагадвае, што ў прынцыпах ейнай дзейнасці – адмова і асуджэнне гвалту або экстрэмізму як сродкаў дасягнення палітычных мэтаў, у тым ліку – з боку існай улады або яе прыхільнікаў. Партыя, як і іншыя палітычныя сілы ў краіне, заклікае да шырокага грамадска-палітычнага дыялогу, каб пераадолець палітычны крызіс. Адзін з аўтараў такой палітычнай лініі – старшыня Партыі БНФ Рыгор Кастусёў.
У сувязі з гэтым аднапартыйцы выключаюць верагоднасць удзелу Рыгора Кастусёва ў любых формах абмеркавання, а тым болей – планавання якіх-кольвек гвалтоўных захадаў або замахаў.
«Мы патрабуем вызвалення Рыгора Кастусёва і перакананыя, што на волі ён здолее абвергнуць усе падазрэнні і дасць вычарпальныя тлумачэнні адносна любых абвінавачванняў на свой адрас», – гаворыцца ў заяве партыі.
СК belsat.eu
