На Берасцейшчыне пабачылі першых буслоў. Пра гэта паведамляе сайт арганізацыі «Ахова птушак Бацькаўшчыны».
15 сакавіка дзве пары белых буслоў заўважылі перад Пружанамі і яшчэ адну бліжэй да Ружанаў. 16 сакавіка аднаго бусла назіралі на гняздзе ў вёсцы Малькавічы Столінскага раёну.
За белымі бусламі прыляцяць і вясковыя ластаўкі, у другой палове красавіка маюць прыляцець зязюлі. Астатніх птушак – вестуноў вясны чакаем пазней: у канцы красавіка вернуцца ластаўкі-зямлянкі і свіргулі, у канцы траўня – шчуркі-пчалаедкі.
МГ belsat.eu