Расейскія войскі, епіскапы з каронавірусам і ператрусы ў «А1». Галоўныя падзеі 19 студзеня
«Белсат» падводзіць вынікі 19 студзеня – чарговага дня пратэсту беларусаў супраць фальсіфікацыі выбараў і гвалту сілавікоў.
Расея працягвае сцягваць у Беларусь свае войскі, якія могуць выкарыстаць для нападу на Украіну.
Кажуць, што яны сталі лагерам за 50 кіламетраў ад украінскай мяжы.
Тым часам у самой Беларусі каля 500 грамадзянаў РФ знаходзяцца за кратамі, у тым ліку паводле палітычных справаў. Але іх лёс Маскву не цікавіць.
Каб супрацьстаяць пагрозам з Беларусі, Літва папярэдзіла «Беларуськалій» пра спыненне чыгуначнага транзіту.
Але тут ёсць нюансы.
Новы дзень не прынёс палёгкі з правамі чалавека. Былі затрыманыя журналіст Севярын Квяткоўскі, актывістка БСДП і праваабаронцы з Магілёва.
Ператрусы прайшлі і ў офісе мабільнага аператара «А1».
На два гады быў асуджаны журналіст і футбаліст Аляксандр Івулін.
Пачытаць ягонае апошняе слова ў судзе можна тут:
А ў Берасці пачынаюць у другі раз судзіць Вольгу Класкоўскую.
Ды ціснуць на актывістку Алену Гнаўк.
Праваабаронцу з Маладзечна Алеся Капуцкага зноў перазатрымалі.
Не дае пра сябе забыць і каронавірусная інфекцыя: захварэлі прынамсі чатыры беларускія праваслаўныя епіскапы.
Што датычыць міжнародных навінаў, то ў Казахстане працягваецца зачыстка спадчыны першага прэзідэнта.
А вось ва Украіне суд вырашыў не затрымліваць пятага прэзідэнта – Пятра Парашэнку.
МГ belsat.eu
