У Народным палацы культуры ў Пхеньяне адкрылася фотавыстава, прысвечаная гісторыі сяброўства дзвюх краінаў.
Пачаткам расейска-паўночнакарэйскага сяброўства аўтары выставы палічылі 1949 год, калі адбыўся першы афіцыйны візіт прадстаўніка паўночнакарэйскай дыпламатыі ў СССР. Паглядзець на выставу «Гісторыя сяброўства» прыйшлі прадстаўнікі паўночнакарэйскага істэблішменту і расейская дэлегацыя.
{movie}Расея і Паўночная Карэя: Братэрства навекі |right|15491{/movie}
Апошнім часам адносіны паміж Расеяй і Паўночнаю Карэяй заўважна палепшыліся. Летась Масква аднавіла чыгуначнае спалучэнне, робячы стаўку на інтэнсіфікацыю гандлёвых адносінаў з Пхеньянам.
Паўночная Карэя цяпер перабывае ў міжнароднай эканамічнай блакадзе за распрацоўванне і выкарыстанне ядравай зброі.
Выпрабаванне ядравай зброі ў 2013 г.
Тым часам Уладзімір Пуцін летась зрабіў заяву, што выступае за аднаўленне ядравых перамоваў Паўночнай Карэі са Злучанымі Штатамі, Кітаем, Паўднёвай Карэяй і Японіяй.
ЮВ, belsat.eu
