{movie}Чым сытыя беларусы? (“Асабісты капітал”)|right|15388{/movie}
На загад партыі савецкія акадэмікі Нямчынаў і Трубілін прыдумалі «рацыянальныя нормы спажывання» – каб кожны пралетарый дакладна ведаў, на колькі майткоў, кілакалорыяў і квадратных метраў ён мае права разлічваць у гэтым жыцці. І пратрымалася гэтая мода ў Беларусі ажно да мінулага снежня, калі кіраўніцтва краіны, з якой увесь свет смяяўся праз гэтыя «чалавекаштаны», наважылася скасаваць паштучнае нармаванне. Цяпер ёсць толькі рацыянальныя нормы спажывання харчоў.
З медычнага і адміністрацыйнага гледзішча беларусы ядуць нерацыянальна – налягаюць на бульбу з салам і каўбасою. Пры гэтым ігнаруюць вітаміны і малако. А вось нашыя суседзі да «рацыяналізацыі» падыходзяць прасцей – больш плоцяць.
Гэтак, у Еўразвязе выдаткі спажыўцоў на харчаванне за год складаюць $ 2300, што на $ 1000 больш за выдаткі беларусаў. Але кошты – не надта адрозніваюцца. Таму варта параўнаць рацыён. Гэтак, у параўнанні з аўстрыйцамі ды італьянцамі беларусы нашмат больш з’ядаюць бульбы.
Глядзіце больш – у праграме «Асабісты капітал».
МЛ, belsat.eu
