Краіны Вялікай сямёркі асудзілі дзеянні рэжыму Аляксандра Лукашэнкі па арганізацыі незаконнай міграцыі праз свае межы.
Заява ад імя міністраў замежных справаў Канады, Францыі, Нямеччыны, Італіі, Японіі, Вялікай Брытаніі і ЗША, а таксама Высокага прадстаўніка Еўразвязу была размешчана на сайце брытанскага ўраду.
Прадстаўнікі G7 асуджаюць рэжым Лукашэнкі за арганізацыю незаконнай міграцыі праз свае межы.
«Гэтыя бяздушныя дзеянні ставяць пад пагрозу жыццё людзей», – падкрэсліваецца ў заяве.
Міністры краінаў Вялікай сямёркі выказваюць салідарнасць з Польшчай, Латвія і Літвой, «якія сталі мішэнню гэтага правакацыйнага выкарыстання нелегальнай міграцыі ў якасці гібрыднай тактыкі». Прадстаўнікі G7 заклікаюць афіцыйны Менск «неадкладна спыніць сваю агрэсіўную і эксплуататарскую кампанію, каб перадухіліць далейшыя смерці і пакуты». Яны лічаць дзеянні рэжыму спробай адцягнуць увагу «ад ігнаравання міжнароднага права, асноўных свабодаў і праваў чалавека, у тым ліку правоў уласнага народу».
«Мы будзем працягваць працаваць разам, каб прыцягнуць вінаватых да адказнасці, а таксама падтрымаць грамадзянскую супольнасць і правы чалавека ў Беларусі», – адзначаецца ў заяве.
РР belsat.eu