Прыпыненне набыло моц 15 кастрычніка, але пра гэта паведамілі толькі 18-га.
Ля раённай паліклінікі людзі чакаюць сваёй чаргі на тэст.
Фота: Belsat.eu
Міністэрства аховы здароўя паведаміла 18 кастрычніка аб зменах у ранейшы загад аб наданні медычнай дапамогі ў сувязі з COVID-19. Паводле новага загаду, з 15 кастрычніка ў Беларусі прыпыняецца наданне планавай медычнай дапамогі ў амбулаторна-паліклінічных арганізацыях.
Прыпыняюць да далейшых распараджэнняў:
- дыспансерызацыю,
- скрынінгі,
- рэабілітацыйную дапамогу,
- фізіятэрапеўтычныя працэдуры,
- лекаванне ў аддзяленнях дзённага перабывання,
- планавую стаматалагічную дапамогу.
Таксама загадана павялічыць нагрузку на апараты камп’ютарнай тамаграфіі не менш як на 45 % – дзеля гэтага загадваюць пераглядзець графікі, рабіць тамаграфію пацыентам з падазрэннем на каронавірус таксама і па нядзелях.
Пацыентаў з лёгкай і сярэднецяжкай формай COVID-19 па-ранейшаму могуць пакідаць на хатняе лекаванне.
Інтэрв’ю
«Медыкі кінутыя на амбразуру». Інтэрв’ю з «Белымі халатамі» пра самыя вострыя праблемы ў беларускай медыцыне
2021.10.17 19:28
АА belsat.eu
