Беларусь скасавала «бязвіз» для ЗША і Албаніі, увяла для Егіпту, Ірану, Пакістану


Ад 17 кастрычніка набыў моц указ, які мяняе правілы бязвізавага рэжыму ў Беларусі.

Нацыянальны аэрапорт «Менск», Беларусь. 26 траўня 2021 года.
Фота: Белсат

Цяпер бязвізавы рэжым скасаваны для грамадзянаў:

  • Албаніі,
  • Злучаных Штатаў.

Раней яны маглі прыляцець у Беларусь без візы і прабыць не больш за 30 дзён.

Абноўлена
Амбасадар Францыі Нікаля дэ Лякост пакінуў Беларусь
2021.10.17 22:14

Указ увёў бязвізавы рэжым пры ўмове наяўнасці шматразовай візы ў краіны Еўразвязу або Шэнгенскай зоны з пазнакай пра ўезд у туюкраіну і пры наяўнасці авіяквітка з датай вылету з беларускага аэрапорту для:

  • Егіпту,
  • Ірану,
  • Іярданіі,
  • Пакістану,
  • Паўднёва-Афрыканскай Рэспублікі.

Агулам у спісе «бязвізу» ў Беларусі 76 краінаў, з іх 12 – пры апісаных вышэй умовах аб візе і квітку.

Бязвізавы рэжым цяпер распаўсюджваецца не толькі на Нацыянальны аэрапорт Менск, але і на аэрапорты ў Берасці, Віцебску, Гомлі, Горадні і Магілёва.

У «бязвізавым спісе» няма Іраку, Сірыі, Емену і шэрагу іншых краінаў, грамадзяне якіх часта трапляюцца на спробе нелегальна выйсці з Беларусі ў краіны Еўразвязу.

Аднак міністарка ўнутраных справаў Літвы Агне Білатайце звяртала ўвагу на ўвядзенне «бязвізу» ў рэгіянальных аэрапортах і бязвіз для Пакістану, Ірану, Паўднёва-Афрыканскай Рэспублікі, Егіпту, калі казала, што «Менскі рэжым адкрывае новыя шляхі нелегальнай міграцыі».

Hавiны
Менскі рэжым адкрывае новыя шляхі нелегальнай міграцыі, кажа міністарка ўнутраных справаў Літвы
2021.09.21 15:29

АА belsat.eu

Стужка навінаў