«Белсат» падводзіць вынікі 18 верасня – чарговага дня няспыннага пратэсту беларусаў супраць фальсіфікацыі прэзідэнцкіх выбараў, адсутнасці законаў і гвалту сілавікоў.
Прэм’ер Польшчы Матэвуш Маравецкі заявіў, што ў Беларусі знаходзіцца больш за 10 тыс. мігрантаў, якія могуць напоўніць Польшчу і Літву. Пра гэта ён сказаў на сумеснай прэс-канферэнцыі з прэм’ерам Літвы Інгрыдай Шыманіце ў Варшаве.
«Згодна з нашымі звесткамі, у Беларусі больш за 10 000, можа, і больш асоб, якія перамешчаныя з Блізкага Ўсходу, пераважна – з Іраку, а таксама з Сірыі, каб праводзіць гібрыдную атаку», – сказаў польскі прэм’ер, перадае DELFI.
18 верасня на беларуска-літоўскай мяжы не будуць афармляць транспарт. Пра гэта паведамілі ў Дзяржаўным мытным камітэце Беларусі.
«Па паведамленні літоўскага боку, з 09.00 да 22.00 будуць абнаўляцца інфармацыйныя сістэмы ў пунктах пропуску па ўсёй мяжы з Літоўскай Рэспублікай. Афармленне транспарту сумежнай бокам ажыццяўляцца не будзе», – заявілі ў ведамстве.
Каардынатарцы Валанцёрскай службы праваабарончага цэнтру «Вясна» Марфе Рабковай працягнулі тэрмін утрымання пад вартай яшчэ на 3 месяцы. Пра гэта паведамляюць праваабаронцы.
Падтрымаць Марфу лістамі і паштоўкамі: СІЗА-1, 220030, г. Менск, вул. Валадарскага, 2 Рабковай Марыі Аляксандраўне.
Журналістка Кацярына Карпіцкая распавяла ў Facebook пра месяц свайго зняволення ў ЦІП на Акрэсціна. Абставіны свайго затрымання яна пакінула на асобны пост.
«Сядзяць месяцамі без шпацыраў (паветра ў камеру №15 магло паступаць да нас толькі з калідора праз «кармушку», але яе спецыяльна ўвесь час зачынялі).
Сядзяць без матрацаў (падушкай нам служыў спляснелы хлеб, а на голай падлозе ці шконцы спаць было б яшчэ магчыма, але ночы даўно дзіка халодныя – нават абдымаючы адна адну і заціскаючы паміж ног бутэльку з гарачай вадой мы не маглі супакоіць дрыжыкі. Ночы ператвараліся ў цыкл фізічных практыкаванняў – прысядаць, паадціскацца, пастаяць у планцы – неяк пагрэцца і заснуць).
Суд Першамайскага раёну Віцебску на чале з суддзём Міхаілам Юрчанкам асудзіў Сяргея Думаву на 9 гадоў і 15 содняў калоніі ўзмоцненага рэжыму, прызнаўшы яго вінаватым у «арганізацыі масавых беспарадкаў» (ч. 1 арт. 293 КК), «арганізацыі беспарадкаў з гвалтам і прычыненнем шкоды» (ч. 3 арт. 293 КК) і ў «апаганьванні збудаванняў і псаванні маёмасці» (арт. 341 КК).
Адвакаты Сяргея Думавы збіраюцца абскарджваць вырак у абласным судзе.
«Ні за што! Ніякіх доказаў не было пададзена», – заявіла адразу пасля абвяшчэння прысуду маці Сяргея Думавы Алена. Працэс праходзіў у закрытым рэжыме, але маці дазволілі папрысутнічаць на пасяджэннях.
Гэта сумесная акцыя, якая ладзіцца сёння і ў іншых краінах.
Мы заклікаем IKEA перастаць закупляць драўніну ў Беларусі – галоўны лозунг пад якім адбылася акцыя. На акцыі ў Вільні да беларусаў выйшла прадстаўніца кампаніі.
«Мы паважаем усіх людзей, калі ў вас у сэрцы ёсць жаданне выказацца, то мы не будзем забараняць і не будзем ваяваць. Мы як вялікая і глабальная арганізацыя адказныя, каб былі правы ва ўсіх – у нашых пакупнікоў, у нашых рабочых, у нашых пастаўшчыкоў, у нашых вытворцаў. У нас пазіцыя такая – мы за мір і за добрае абслугоўванне» – заявіла прадстаўніца IKEA.
Самым імаверным кандыдатам букмекеры лічаць Сусветную арганізацыю здароўя (WHO), другі ў спісе – расейскі палітык Аляксей Навальны, потым ідзе экалагічная актывістка Грэта Тунберг. У гэтым спісе Біл Гейтс – на восьмай пазіцыі, Джо Байдэн – на адзінаццатай, а Ангела Меркель – на дваццатай.
МГМ, belsat.eu