Прэзідэнт Еўрапейскага парламенту Давід Сасолі прыбыў у Вільню і правёў сустрэчу са Святланай Ціханоўскай.
Падчас сустрэчы Ціханоўская заявіла, што нельга дапусціць гандлю палітвязнямі ды імітацыі саступак. Усе яны павінны быць вызваленыя і адноўленыя ў правах.
Яна таксама прапанавала знайсці фармат удзелу Беларусі ў праграме Усходняга партнёрства, улічваючы, што рэжым адмовіўся ад удзелу.
Сасолі ды Ціханоўская абмеркавалі таксама транш ад Міжнароднага валютнага фонду ў $ 1 млрд. Паводле яе, гэтыя фінансы павінны быць замарожаны. Калі ж іх замарозка немагчымая, неабходна пракантраляваць, каб яны пайшлі на аплату вакцын і ШВЛ, а не змест рэпрэсіўнага апарата.
Апроч таго, было дамоўлена, што ўвосень Ціханоўская наведае Брусель і выступіць перад Еўрапарламентам.
«Мы арганізуем слуханні наконт Беларусі ў Бруселі і мы заручыліся падтрымкай Еўразвязу», – адзначыла Ціханоўская ў каментары «Белсату».
Паводле яе, краіны ЕЗ «павінны быць паслядоўнымі ў сваёй палітыцы, не гандляваць палітвязнямі, што патрэбная большая падтрымка беларускай грамадзянскай супольнасці».
МГ belsat.eu