Фільм «Пакаленне 328» беларускай рэжысёркі Веранікі Ніканавай атрымаў узнагароду на Брусельскім кінафестывалі незалежнага кіно ў катэгорыі «Найлепшы кароткі дакументальны фільм».
«Пакаленне 328» распавядае пра аб’яднанне матуль, чые дзеці атрымалі вялізныя турэмныя тэрміны па «наркатычным» 328-м артыкуле Крымінальнага кодэксу.
«Журы палічыла гэта вельмі добра структураванай і знятай карцінай, гук і музыка ў якой дапаўнялі агульны тон твора», – адзначыла журы.
Рэжысёрка фільму Вераніка Ніканава загінула ў 2019 годзе на Алясцы, дзе разам з мужам Пятром Маркелавым знаходзілася ў вясельным падарожжы. Дзяўчыне было 24 гады. Яна спрабавала перасекчы раку Тэкланіка, каб дабрацца да мясцовай славутасці – аўтобуса, які паказваюць у фільме « У дзікіх умовах» і патанула.
АД belsat.eu