Абаронца Сяргей Зікрацкі пракаментаваў вырак Андрэевай і Чульцовай.
– Мы лічым, што прысуд абсалютна незаконны, неабгрунтаваны. Па-першае, з-за таго, што любыя акцыя, якія праходзілі пасля выбараў, гэта былі мірныя акцыі і ўвогуле такія мірныя акцыі не прыцягваюцца да крымінальнай адказнасці. Бо грамадзяне выкарыстоўваюць сваё права на мірны пратэст. У прыватнасці, да гэтай канкрэтнай сітуацыі, мы бачым, што абсурднасць сітуацыі ў тым, што журналісты проста апісвалі тое, што адбываецца на вуліцы. І мы разам чыталі тыя вытрымкі са стрыму, якія бок абвінавачвання лічыў крымінальнымі, і гэта вытрымкі, якія проста ўтрымлівалі апісанне таго, што адбываецца. Тут ёсць і парушэнне права грамадзянаў на мірны пратэст, і права грамадзянаў на атрыманне інфармацыі.
– Як думаеце, чаму журналісты цяпер трапілі пад такі пераслед і што мы можам зрабіць з гэтым?
– Гэта пытанне больш палітычнае, чым юрыдычнае. Таму гэтае пытанне не да мяне. Мы што можам рабіць, тое будзем рабіць, абскарджваць да таго моманту, пакуль гэта будзе магчыма.
ІК, belsat.eu