Намесніца дзяржаўнага сакратара ЗША па пытаннях грамадзянскай бяспекі, дэмакратыі і правоў чалавека Узра Зея падчас візіту ў Вільню мае намер абмеркаваць з літоўскімі ўладамі парушэнні правоў чалавека ў Беларусі. Пра гэта паведамляе golosameriki.com са спасылкай на Дзярждэпартамент.
Узра Зея 17-20 лістапада наведае Бельгію і Літву. У Вільні намесніца дзяржсакратара плануе сустрэцца з уладамі Літвы, у тым ліку з міністрам замежных спраў Габрыэлюсам Ландсбергісам і лідарамі грамадзянскай супольнасці.
«Гэтыя сустрэчы дадуць магчымасць асвятліць нашу агульную супрацу па пытаннях правоў чалавека і дэмакратыі. Знаходзячыся ў Вільні, [намеснік дзяржсакратара] таксама сустрэнецца з прадстаўнікамі беларускай грамадзянскай супольнасці і падкрэсліць нашую падтрымку дэмакратычных памкненняў беларускага народу», – заявілі ў Дзярждэпартаменце.
РР belsat.eu