Галоўнае за дзень: развіццё міграцыйнага крызісу, праваабаронцы і Філімонаў


«Белсат» падводзіць вынікі 17 лістапада – 464-га дня сацыяльнага і палітычнага крызісу, які цягнецца ў краіне з дня выбараў прэзідэнта Беларусі.

Міграцыйны крызіс

16 лістапада ў выніку атакі мігрантаў на пераходзе Брузгі-Кузніца пацярпелі 12 польскіх службоўцаў. Пра гэта заявіў галоўны камендант паліцыі Яраслаў Шымчык у эфіры Polsatnews. Раней паведамлялася пра 7 пацярпелых.

Паводле Шымчака, траўмы атрымалі 9 паліцыянтаў, 2 памежнікі і 1 вайсковец. Адна з параненых паліцыянтаў – жанчына, у яе траўма галавы. Аналагічную траўму атрымаў мужчына-паліцыянт.

Hавiны
Польская паліцыя лічыць, што ў нападзе на пераход «Кузніца» ўдзельнічалі беларускія сілавікі
2021.11.17 10:57

Неадкладна адказваючы на ​​зварот, Еўрапейская камісія вылучыла 200 000 еўра ў якасці гуманітарнага фінансавання Міжнароднай федэрацыі таварыстваў Чырвонага Крыжа і Чырвонага Паўмесяца (IFRC), паведамляе сайт Еўракамісіі.

Фінансаванне з’яўляецца часткай агульнага ўкладу ЕЗ у Надзвычайны фонд дапамогі пры стыхійных бедствах.

Гэта неадкладнае фінансаванне ЕЗ падтрымае МФЧК і яе нацыянальнае таварыства, Беларускі Чырвоны Крыж, для аказання гэтак неабходнай дапамогі, уключаючы прадукты харчавання, гігіенічныя наборы, коўдры і аптэчкі. ЕЗ мабілізаваў дадатковыя 500 000 еўра ў якасці гуманітарнага фінансавання і ў цяперашні час знаходзіцца ў кантакце са сваімі гуманітарнымі партнёрскімі арганізацыямі для рэалізацыі сродкаў.

Hавiны
ЕЗ вылучыць 700 000 еўра на дапамогу мігрантам на мяжы Беларусі
2021.11.17 16:30

Стан Лукашэнкі

Прэс-служба Ангелы Мэркель наступным чынам пракаментавала перамовы:

«У другой тэлефоннай размове з Аляксандрам Лукашэнкам канцлер Ангела Мэркель падкрэсліла неабходнасць пры падтрымцы Упраўлення вярхоўнага камісара Арганізацыі Абʼяднаных Нацый па справах бежанцаў і Міжнароднай арганізацыі па міграцыі, а таксама ў супрацоўніцтве з Еўрапейскай камісіяй забяспечыць гуманітарную дапамогу і магчымасці для вяртання людзей».

Аляксандр Лукашэнка на сустрэчы з Ангелай Мэркель і Франсуа Аландам. Менск, Беларусь. 12 лютага 2015 года.
Фота: anna-news.info

Міністарка замежных справаў Эстоніі Эва-Марыя Лійметс распавяла, якія патрабаванні Аляксандр Лукашэнка агучыў падчас тэлефоннай размовы з выконваючай абавязкі канцлеркі Нямеччыны Ангелай Мэркель.

Як піша ERR, паводле інфармацыі Эвы-Марыі Лійметс, Лукашэнка хоча, каб Захад прызнаў яго прэзідэнтам і зняў санкцыі ў абмен на спыненне міграцыйнага крызісу. Лійметс сцвярджае, што гэта стала вядома ў выніку размовы паміж Мэркель і Лукашэнкам.

У ЕЗ не лічаць Аляксандра Лукашэнку прэзідэнтам і не бачаць падставаў для адмены санкцыяў супраць рэжыму.

Сёння міністарка замежных справаў Эстоніі Эва-МарыяЛійметсраспавяла, што Аляксандр Лукашэнка хоча, каб Захад прызнаў яго прэзідэнтам і зняў санкцыі ў абмен на спыненне міграцыйнага крызісу. Лійметс сцвярджае, што гэта стала вядома ў выніку размовы паміж Лукашэнкам і Ангелай Мэркель.

Артыкулы
«Ён не зʼяўляецца прэзідэнтам». У ЕЗ выказаліся наконт патрабаванняў Лукашэнкі
2021.11.17 14:52

Сітуацыю на памежным пераходзе Брузгі – Кузніца каментуе віцэ-міністр замежных справаў Польшчы Марцін Пшыдач.

«Я магу сказаць адносна палітыкі Варшавы – нашае стаўленне не зменіцца праз шантаж Менску. На жаль, новыя санкцыі будуць адчувальныя для беларускага грамадства, але віна за гэта ляжыць на Аляксандру Лукашэнку».

Артыкулы
МЗС Польшчы: Палітыка Варшавы не зменіцца праз шантаж Менску
2021.11.17 16:54

Праваабаронцы пра судовы пераслед

Найбольшую суму тэрмінаў на сёння атрымалі муж і жонка Анастасія і Сяргей Крупенічы, на якіх пратаколы складалі дзевяць разоў запар і якія правялі ў зняволенні больш за 100 дзён. Акрамя іх праваабаронцы паведамляюць, што падобныя рэпрэсіі перажываюць Яўген Люльковіч (61 содні), Аляксандр Бембель (58 содняў), Аляксандр Беладзед (51 содні), Віталій Умрэйка (44 содні).

«Яшчэ дзесяць перазатрыманых менчукоў асуджаныя да 30 і болей содняў», – падкрэслівае «Вясна».

Такі ж чын ціску выкарысталі ў дачыненні журналісткі Ірыны Слаўнікавай і яе мужа Аляксандра Лойкі.

Памёр Сяргей Філімонаў – вядоўца культавай праграмы «Відзьмо-невідзьмо»

Сяргей Філімонаў. Фота з асабістага архіву

Сышоў з жыцця вядоўца культавай тэлепраграмы «Відзьмо-невідзьмо» Сяргей Філімонаў.

Кіраўнік Беларускай рады культуры Сяргей Будкін з спасылкай на сваякоў паведамляе ў сваім Фэйсбуку, што праз загружанасць ад кавіду, цела могуць выдаць хутчэй за ўсё толькі 19 лістапада. Месца і час развітання і пахавання пакуль невядомыя.

Паводле папярэдніх звестак, прычынай смерці Сяргея Філімонава мог стаць каронавірус.

Hавiны
Сфармаваў густ пакалення беларусаў. Якім быў «той-самы-Філімонаў-з-Відзьмо-невідзьмо»
2021.11.17 14:10

МГМ, belsat.eu

Стужка навінаў