У Беларусі абнавіўся афіцыйны рэкорд колькасці захварэлых на каронавірус за содні. Пра рэкордныя лічбы паведаміла Міністэрства аховы здароўя.
Мінулы максімум трымаўся з 13 снежня 2020 года, тады афіцыйна было 1975 выпадкаў COVID-19 за содні.
Новы рэкорд Мінздароўя складае 1979 выпадкаў.
Пра імклівы рост колькасці інфікаваных каронавірусам і рост колькасці ахвяраў пандэміі паведамляюць і чытачы «Белсату».
Разам з тым, варта ўлічваць, што, на думку спецыялістаў, Мінздароўя Беларусі істотна заніжае рэальную колькасць хворых на каронавірус.
А статыстыка смяротнасці ў краіне не абнаўлялася з вясны 2020 года.
МГ belsat.eu