Дзень безнароднага адзінства. Галоўныя вынікі 17 верасня

Удзельнікі акцыі салідарнасці #FreeViasna са зняволенымі праваабаронцамі «Вясны». Лукішская плошча, Вільня, 17 верасня 2021 года. Фота: ГР / Белсат

«Белсат» падводзіць вынікі 17 верасня – чарговага дня няспыннага пратэсту беларусаў супраць фальсіфікацыі прэзідэнцкіх выбараў, адсутнасці законаў і гвалту сілавікоў.

«Аб’ядналі ў магілах і дэпартацыі». Топ-10 беларускіх дзеячаў – ахвяраў паходу 17 верасня

17 верасні ў лукашэнкаўскай Беларусі ўпершыню святкаваўся Дзень народнага адзінства – успаміну таго, як у выніку пакту Гітлера і Сталіна Савецкі Саюз напаў на міжваенную Польшчу, захапіў Заходнюю Беларусь і рэпрэсаваў мясцовае насельніцтва.

У Магілёве да Дня народнага адзінства ўсталявалі памятны знак у выглядзе васілька

У звычайных беларусаў дзень, які да таго ж не з’яўляецца выходным, не выклікаў асаблівай цікавасці. Але афіцыйныя падзеі і форумы ладзіліся. Сам Лукашэнка выстаўляў тэрытарыяльныя прэтэнзіі на Вільню і Беласток, забываючыся пры гэтым на Смаленск і Бранск.

Дзень прымусовага адзінства

Цікава, што менавіта 17 верасня стала вядома пра ліквідацыю Таварыства беларускай школы – арганізацыі-пераемніцы міжваеннай ТБШ, якая дзейнічала менавіта ў Заходняй Беларусі ў 1921-1936 гадах.

Ліквідавалі Таварыства беларускай школы, якое ў гэтым годзе адзначае 100 год

А сам уладны форум у закрытым памяшканні быў сабраны на тле рэкордных паказнікаў колькасці захворванняў на каронавірус.

Мінздароўя паведаміла пра рэкорд колькасці захварэлых на каронавірус

Пра тое ж, як улады ўяўляюць сабе народнае адзінства сведчыць афіцыйнае пацверджанне прыпынення расследавання крымінальнай справы за забойства Рамана Бандарэнкі. Хоць імёны саўдзельнікаў злачынства ўжо даўно ні для каго не сакрэт.

«Перашкодаў знайсці вінаватых не існуе». Следчы пракаментаваў прыпыненне справы пра забойства Бандарэнкі

А зліты кібер-партызанамі аўдыязапіс размовы кіраўніцтва МУС 6 жніўня 2020 года паказвае, як і кім арганізоўвалася спецаперацыя па забеспячэнню 80% Лукашэнкі на мінулых прэзідэнцкіх выбарах.

«Распраўлюся не па-дзіцячаму». Кібер-партызаны апублікавалі новы запіс з экс-кіраўніком МУС Караевым

Беларусы ж ва ўмовах адсутнасці законаў і рэпрэсіяў выходзяць у абарону тых, хто сам патрапіў за краты, абараняючы іх – праваабаронцаў «Вясны».

У свеце прайшлі акцыі салідарнасці з затрыманымі праваабаронцамі «Вясны»

МГ belsat.eu

Падпісвайся на telegram Белсату

Hавiны