У Горадні хочуць ліквідаваць грамадскае абʼяднанне веласіпедыстаў «ВелаГродна». Упраўленне юстыцыі гарадзенскага аблвыканкаму праводзіла праверку, па выніках якой падало ў суд пазоў аб ліквідацыі арганізацыі.
Афіцыйная падстава – парушэнні і памылкі ў дакументазвароце і некалькі іншых пунктаў.
Першая сустрэча ў судзе адбудзецца ў канцы жніўня.
Грамадскае абʼяднанне «ВелаГродна» было зарэгістраванае 2 кастрычніка 2013 года. На працягу ўсяго гэтага часу раварысты Горадні звярталіся да чыноўнікаў, каб стварыць у горадзе годную веласіпедную інфраструктуру.
Арганізацыя ўваходзіла ў склад каардынацыйных грамадскіх Саветаў: у Савет па турызме і Савет па развіцці веларуху пры Гарадзенскім выканаўчым камітэце, у экалагічны Савет пры Камітэце прыродных рэсурсаў. «ВелаГродна» таксама ўдзельнічала ў грамадскіх абмеркаваннях будаўніцтва новых мікрараёнаў.
СК/МГ belsat.eu